GÜNDƏM

Ünvanlı dövlət sosial yardımının məbləği artırılır

Azərbaycanda ünvanlı dövlət sosial yardımının məbləği artırılır. Dövlətin bu sosial yardımının məbləği 170 manatdan 200 manata qaldırılacaq. Bununla bağlı sənəd Milli Məclisə daxil olub və növbəti iclasların birində müzakirə ediləcək. Xatırladaq ki, ünvanlı dövlət sosial yardımının təyinində ehtiyac meyarı əsas götürülür. Hər bir ailə üzvü üçün ehtiyacı meyarı hazırda 170 manatdır. Əgər ailədə 8 yaşından kiçik uşaq varsa, məşğulluq tələbi ana üçün tətbiq olunmur. Belə olduğu halda ata minimum əməkhaqqı, yəni 250 manat alırsa, o zaman ailənin ümumi ehtiyac meyarından bu məbləğ çıxılır və yerdə qalan məbləğ ünvanlı dövlət sosial yardımı şəklində verilir.

T.Rüstəmov