GÜNDƏM

Ukraynalı polkovnikin türk PUA-ları ilə bağlı xəyanəti

Türkiyədən alınan pilotsuz uçuş aparatlarının (PUA) Ukraynada yerləşdirildiyi bazanın komandirinin bu texnologiyanın sirlərini ruslara satdığı iddia edilib. Casusluq etdiyi iddia olunan polkovnikin cinayət başında tutulduğu açıqlanıb.

Ukrayna Milli Kəşfiyyat Xidmətinin (SBU) üzə çıxardığı qalmaqalda hərbi baza komandirinin Rusiyaya casusluq etdiyi müəyyən olunub. Ukrayna Əks-Kəşfiyyat İdarəsi tərəfindən aparılan araşdırmada Türkiyədən alınan PUA-larla bağlı casusluq fəaliyyəti ifşa edilib. Belə ki, Ukrayna Hərbi Dəniz Qüvvələrinin 10-cu Dəniz Aviasiya Briqadası komandiri, polkovnik İlya Oleynkinin Rusiya tərəfinə casusluq etdiyi və əsas fəaliyyətini türk PUA-larının texnologiyasının öyrənilməsinə yönəltdiyi üzə çıxıb.

Gizli fəaliyyəti ifşa edilən ukraynalı polkovnik dərhal saxlanılıb. Bundan sonra məlum olub ki, o, Rusiya ordusu və Donbasdakı separatçılarla intensiv təmaslarda olub.Oleynikinin dindirilməsinin davam etdiyi, onun “Bayraktar TB2” dronları ilə bağlı kritik məlumatlar əldə edə bilmədiyi deyilib. Bununla belə, onun Ukrayna Hərbi Dəniz Qüvvələrinin bir çox əməliyyat planları və müdafiə xətləri haqda Rusiya Kəşfiyyat Xidmətinə (FSB) məlumat ötürdüyü bildirilib. Ukrayna qanunlarına görə, polkovnikə qarşı casusluq cinayəti sübuta yetirilərsə, ona ən ağır güllələnmə cazası veriləcək.

T.Rüstəmov