İQTİSADİYYAT

Azərbaycanda 10 ayda 71,6 milyard manatlıq ümumi daxili məhsul istehsal olunub

Bu ilin yanvar-oktyabr aylarında ölkədə 71 milyard 589 milyon manatlıq və ya əvvəlki ilin eyni dövrü ilə müqayisədə 4,9 faiz çox ümumi daxili məhsul istehsal olunub.

Dövlət Statistika Komitəsindən bildirilib ki, iqtisadiyyatın neft-qaz sektorunda əlavə dəyər 2,6 faiz, qeyri-neft-qaz sektorunda isə 5,9 faiz artıb. ÜDM istehsalının 40,8 faizi sənaye, 10,3 faizi ticarət, 6,7 faizi kənd təsərrüfatı, meşə təsərrüfatı və balıqçılıq, 5 faizi tikinti, 1,8 faizi informasiya və rabitə, 1,2 faizi turistlərin yerləşdirilməsi və ictimai iaşə sahələrinin, 18,2 faizi digər sahələrin payına düşüb, məhsula və idxala xalis vergilər ÜDM-in 8,9 faizini təşkil edib.

Əhalinin hər nəfərinə düşən ÜDM 7148 manata bərabər olub.