CƏMİYYƏT

Korotçenkonun ermənilərə sərt xatırlatması

Məhşur rusiyalı hərbi ekspert, “Milli müdafiə” jurnalının baş redaktoru İqor Korotçenko ermənilərə növbəti dəfə meydan oxuyub.

Bir müddət öncə “Vmedia”-nın videosunu “Heç İŞİD terrorçuları belə etməyiblər” başlığı ilə sosial şəbəkə hesabında paylaşan və buna görə ermənilərin total şikayəti nəticəsində səhifəsi bloklanan Korotçenkonun səhifəsi artıq blokdan çıxıb. Bunun səbəbi isə bir neçə ölkənin mediasının Korotçenkonun səhifəsinin ədalətsizcəsinə bloklanmasını yayması, eyni zamanda Feysbuk rəhbərliyinə ünvanlanan dəlillər, həmçinin azərbaycanlı sosial şəbəkə istifadəçilərinin dəstəyidir. Dünən səhifəsi blokdan çıxan məhşur rusiyalı hərbi ekspert, ədalətli rus ziyalısı Korotçenko bu sözləri paylaşıb: “Güc – həqiqətdədir! Qarabağ – Azərbaycandır! Elədirmi, yoldaş ermənilər? Buna görə mənim akkauntumu bloklamağa cəhd edin!”

T.Rüstəmov