Sərxoş halda qayınanasını və qaynını söydü: Həbs edildi

Suraxanı rayonunda qayınanasını və qaynını yüksək səslə söyən kişi saxlanılıb.

“Qafqazinfo”nun məlumatına görə, 37 yaşlı Z.Əkbərov Bülbülə qəsəbəsində yaşadığı evin həyətində həyat yoldaşı ilə mübahisə edib.

Mübahisə zamanı qonşuların və yoldan keçənlərin eşidə biləcəyi şəkildə qayınanasını və qaynını söyüb.

Əraziyə gələn polis əməkdaşları Z.Əkbərovu bölməyə aparıblar. Onun barəsində İnzibati Xətalar Məcəlləsinin 510-cu (xırda xuliqanlıq) maddəsi ilə protokol tərtib edilərək, baxılması üçün məhkəməyə göndərilib.

İnzibati xəta törədən şəxs məhkəmədə hadisə vaxtı sərxoş vəziyyətdə olduğunu, əməlindən peşmanlığını bildirib.

Hakimin qərarı ilə Z.Əkbərova 10 sutka həbs cəzası verilib.

Mənbə

0
0
Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Ətraflı