Medianın İnkişafı Agentliyi (MEDİA) Azərbaycanın Əməkdar jurnalisti Nair Əliyevin vəfatı ilə bağlı başsağlığı verib.
Oxu.Az xəbər verir ki, bu barədə agentlik paylaşım edib:
“Azərbaycan Respublikasının Medianın İnkişafı Agentliyinin rəhbərliyi və kollektivi Əməkdar jurnalist Nair Əliyevin vəfatından kədərləndiyini bildirir, mərhumun ailəsinə dərin hüznlə başsağlığı verir. Allah rəhmət eləsin!” – deyə paylaşımda qeyd edilib.
Qeyd edək ki, Oxu.Az-ın əməkdaşı, Əməkdar jurnalist Nair Əliyev bu gün uzun sürən xəstəlikdən sonra vəfat edib.