İtaliyanın “Komo” klubu “Napoli” ilə növbəti görüşdə rəqib azarkeşlərini pulsuz pivəyə qonaq edəcək.
Oxu.Az xəbər verir ki, A Seriyası təmsilçisi bu barədə qərarını sosial şəbəkə hesabı vasitəsilə elan edib.
Oktyabrın 4-də “Napoli” A seriyasının 7-ci turunun matçında evdə “Komo”ya qalib gəlib – 3:1. Amma qonaqlar xoş qarşılanmadan və matçdakı ab-havadan məmnun qalıblar.
“Komo” klubu məhz bu səbəbdən “Napoli” və onların azarkeşlərinə təşəkkür etmək istəyib.
Klub rəsmiləri “Komo” – “Napoli” matçını izləməyə gələn azarkeşlərin pivə pullarını ödəyəcəklərini bildiriblər.
Qeyd edək ki, komandalar arasında ikinci oyun 23 fevral 2025-ci ildə, 26-cı tur çərçivəsində keçiriləcək.
