ABŞ Prezidenti Co Bayden İran hakimiyyətini ABŞ prezidentliyinə namizəd Donald Trampa qarşı sui-qəsd planlarından çəkinməyə çağırıb.
Oxu.Az-ın “Politico”ya istinadən xəbərinə görə, bu barədə ABŞ prezident administrasiyasının yüksək vəzifəli rəsmisi məlumat verib.
Rəsminin sözlərinə görə, Vaşinqtonda İranın təşəbbüsü ilə keçmiş prezidentə qarşı istənilən sui-qəsd cəhdi müharibə aktı kimi qəbul ediləcək.
“Bayden İran hökumətinin “ən yüksək eşelonları”na mesajlar göndərərək Trampa və keçmiş ABŞ rəsmilərinə qarşı sui-qəsdləri dayandırmağın zəruriliyi ilə bağlı xəbərdarlıq edib”, – deyə yazıda bildirilib.
Jurnalistlər həmçinin keçmiş dövlət katibi Mayk Pompeo, keçmiş milli təhlükəsizlik müşaviri Con Bolton və ABŞ-nin İran üzrə keçmiş xüsusi nümayəndəsi Brayan Hukun İran tərəfindən hədəf alındığı iddialarına diqqət çəkiblər.
