Bakının Binəqədi rayonunda dava zamanı bir nəfər xəsarət alıb.
APA xəbər verir ki, bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, oktyabrın 12-də axşam saatlarında paytaxtın Binəqədi rayonu ərazisində 2007-ci təvəllüdlü M.Kərimovun xəsarətlə xəstəxanaya yerləşdirilməsi barədə polisə məlumat daxil olub.
Hadisə ilə bağlı təhqiqat araşdırması başlanılıb.
Polis əməkdaşları tərəfindən əməli törətməkdə şübhəli bilinən şəxsin və ya şəxslərin müəyyən olunaraq saxlanılması istiqamətində tədbirlər görülür.
