“Gələn il Laçın rayonunun üç qəsəbə və kəndində tikinti işlərinə başlanılacaq”.
“Report” xəbər verir ki, bunu Laçın rayonunda Bərpa, Tikinti və İdarəetmə Xidmətinin icraçı direktorunun vəzifələrini icra edən Tofiq İslamov Xəzər İnşaat Həftəsi çərçivəsində keçirilən panel müzakirəsində bildirib.
“Xidmət layihələndirmə işləri üzrə yeddi müqavilə üzərində işləri davam etdirir. Artıq üç müqavilə imzalanıb. Gələn il Laçın rayonunun infrastrukturunun bərpası istiqamətində səylərimizi davam etdirəcəyik. Qorçu qəsəbəsində, Pircahan və Şəlvə kəndlərində tikinti işlərinin başlanması planlaşdırılır”, – deyə o qeyd edib.
