Balakişi (Balaş) Qasımov bu gün ad gününü qeyd edir.
Oxu.Az xəbər verir ki, o, “Nə? Harada? Nə vaxt?” elit klubunun oyunçularından biri kimi məşhurlaşıb.
Balaş Qasımov 1978-ci ildə Bakıda anadan olub. Bakı şəhəri Namiq Axundov adına 1 nömrəli tam orta məktəbi və Həbib bəy Mahmudbəyov adına Texniki və Humanitar Elmlər Liseyini bitirib. Ali təhsilini Azərbaycan Dövlət İqtisad Universitetində alıb, ali məktəbi maliyyə ixtisası üzrə bakalavr dərəcəsi ilə bitirib.
Bu gün B.Qasımov “Nə? Harada? Nə vaxt?” televiziya oyununun aparıcısı və baş prodüseri, GameTV.az prodüser mərkəzinin rəhbəri və Azərbaycan İctimai Televiziyasının (İTV) baş direktorudur.
Balaş Qasımovun ad günü ilə əlaqədar dostları və həmkarları Baku TV-yə öz təbriklərini çatdırıblar.
Balaş Qasımov ad gününü qeyd edir
