10 aylıq Dənizin yardımsevər şəxslərin dəstəyinə ehtiyacı var.
Bu barədə Oxu.Az-a onun atası Elşən Qədirov məlumat verib.
O bildirib ki, övladı anadangəlmə spina-bifida xəstəliyindən əziyyət çəkir.
“Dəniz ötən ilin dekabr ayında dünyaya gəlib. Doğulandan sonra onda spina-bifida xəstəliyi olduğunu öyrəndik. Doğulandan 4 ay sonra, yəni aprel ayında o, spina-bifidanın ləğvi əməliyyatı keçirdi. Amma Dəniz yenidən əməliyyat olunmalıdır, bunun üçün isə Türkiyəyə yollanmalıyıq. Ordakı üç gün ara ilə iki dəfə əməliyyat həyata keçiriləcək. Bunun üçün isə 20 000 dollara ehtiyacımız var. Həmin məbləğin cəmi 2 500 manatını toplaya bilsək də, qalan məbləği toplamağa imkanımız çatmır. Yardımsevər şəxslərdən bizə dəstək olmalarını xahiş edirəm”.
Ailə ilə əlaqə: (050) 829-35-38.
Kapital Bank: 5239 1517 7009 5365.
