“Qalatasaray”ın hücumçusu Mauro İkardi bu axşam baş tutacaq İstanbul derbisində “Beşiktaş”a qol vursa, rekorda imza atacaq.
Oxu.Az xəbər verir ki, argentinalı hücumçu indiyədək “ağ-qaralar”a qarşı dörd matçda beş qol vurub.
Onunla eyni pillədə olan Milan Baroşun səkkiz oyunda beş qol göstəricisi var.
Qeyd edək ki, İkardi bu gün bir qol vurmaqla “Beşiktaş”a qarşı fərqlənən ən məhsuldar “Qalatasaray”lı legioner ünvanına sahib olacaq.
