İsrailin İrana hücumlarından sonra bu gün İslam İnqilabı Keşikçiləri Korpusunun (SEPAH) komandanının koordinasiya üzrə müavini, briqada generalı Məhəmmədrza Nəqdi İsraili hədələyib.
“Azad İran” “Telegram” kanalı bu barədə İran mətbuatına istinadən xəbər verib.
Məhəmmədrza Nəqdi bildirib ki, İran ordusunun cavabı özünü çox gözlətməyəcək.
“Yaxın günlərdə İsrailə hansı sarsıdıcı zərbələrin vurulacağını görəcəksiniz və sionistlər yeni addımlardan, təşəbbüslərdən təəccüblənəcək və daha böyük məğlubiyyətlərə düçar olacaqlar”, – deyə o bildirib.
