Hollivud aktrisası Ancelina Coli keçmiş həyat yoldaşı, aktyor Bred Pittə görə yeni münasibət qura bilmir.
Oxu.Az bu barədə “In Touch Weekly”yə istinadən xəbər verir
“Ancelinanın hələ də tək olmasının səbəbi var və bu onunla görüşmək üçün növbəyə düzülən kişilərin olmaması deyil. Səbəb onun onları özündən uzaq tutmasıdır, çünki Bredlə olduğu kimi yenidən zədələnməkdən qorxur”, – mənbə bildirib.
“Hollivud aktyoru ilə evliliyindən əvvəl Ancelina Coli cəsarətli idi və çox asanlıqla aşiq olurdu. O özünü zəif göstərə bilmir və aydındır ki, Bredlə yaşadıqlarından sonra kişilərə olan inamı məhv olub”, – deyə əlavə edilib.
Mənbə vurğulayıb ki, Ancelina Coli uzun müddət uşaqlarına görə ciddi münasibətə girməyəcəyini demişdi. İndi aktrisanın uşaqları böyüyüblər, o, tək olmaqdan xoşbəxt olduğunu iddia edir, amma heç kim ona inanmır.
