“Gürcüstanda yeni prezident seçkisi, güman ki, 2025-ci ilin əvvəlində baş tuta bilər”.
Oxu.Az-ın TASS-a istinadən xəbərinə görə, bu barədə Gürcüstan Baş naziri İrakli Kobaxidze Bakıda keçirilən BMT-nin iqlim konfransında jurnalistlərə müsahibəsində deyib.
“Ölkədə sülh və əmin-amanlıqdır. Parlament seçkisinin nəticələrinə yekun vurulacaq, bundan 10 gün sonra parlamentin ilk iclası baş tutacaq. Daha sonra parlament həyatına start veriləcək və tezliklə, çox güman ki, yanvarın əvvəlində prezident seçkisi keçiriləcək. Ölkə həmişəki kimi həyatına davam edir”, – deyə Kobaxidze bildirib.
