Bakıda beş gün qabaq yük avtomobilin vurduğu piyada ölüb.
“Report” xəbər verir ki, noyabrın 8-də Sabunçu rayonu, Bilgəh-Pirşağı avtomobil yolunda Zahid Vahid oğlu Quliyev idarə etdiyi “Hyundai” markalı yük avtomobili ilə hərəkətdə olan zaman Əbülfət Misir oğlu Qarayevi vurub.
Piyada xəstəxanaya yerləşdirilib, amma həkimlərin səyinə baxmayaraq ötən gün orada ölüb.
Faktla bağlı cinayət işi başlanılıb.
