“Mançester Yunayted”lə vidalaşan Rud van Nistelroyun karyerasını davam etdirə biləcəyi klub bəlli olub.
Oxu.Az xəbər verir ki, niderlandlı mütəxəssisin xidmətində İngiltərənin digər klubu maraqlıdır.
“Börnli” van Nistelroyun baş məşqçi təyin olunması variantını nəzərdən keçirir. Klub rəhbərliyi niderlandlının PSV və “Mançester Yunayted”dəki işini bəyənib.
Hazırkı baş məşqçi Skott Parker istefaya göndərilsə, bu vəzifəyə əsas namizəd van Nistelroy olacaq.
Qeyd edək ki, Ruben Amorimin işə başlamasına qədər “qırmızı şeytanlar”ı 4 oyuna çıxaran niderlandlının rəhbərliyi dövründə 3 qələbə və bir heç-heçə qeydə alınıb.
