BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasında (COP29) iştirak məqsədilə Azərbaycanda səfərdə olan “Barselona” klubunun prezidenti Xuan Laporta noyabrın 17-də ulu öndər Heydər Əliyevin məzarını ziyarət edib.
Oxu.Az xəbər verir ki, Xuan Laporta Fəxri xiyabana gələrək, xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin məzarı önünə əklil qoyub, xatirəsini dərin ehtiramla yad edib.
Qeyd edək ki, Xuan Laporta daha öncə Azərbaycan futbol klublarının akademiyasının futbolçuları ilə görüşüb.
Anar Həsənov
