ABŞ-də Nyu-Orlean şəhərində iki dəfə baş verən atışma nəticəsində iki nəfər həlak olub, 10 nəfər yaralanıb.
Oxu.Az-ın CNN telekanalına istinadla verdiyi məlumata görə, bu barədə yerli polis idarəsindən xəbər verilib.
Bildirilib ki, atışma parad zamanı baş verib. Tədbir yerində əlavə polis qüvvələri olsa da, bu iki hadisənin qarşısını ala bilməyib.
“Birinci hadisədə avtomobil iştirak edib və izdihama atəş açılıb, nəticədə doqquz nəfər xəsarət alıb. Təxminən 45 dəqiqədən sonra körpüdə daha bir atışma baş verib. Nəticədə iki nəfər həlak olub, daha bir nəfər son dərəcə kritik vəziyyətdədir”, – deyə məlumatda vurğulanıb.
Hələlik bu atışmaların bir-biri ilə əlaqəli olub-olmadığı məlum deyil.
