İranın xarici işlər naziri Abbas Əraqçı İslam İnqilabı Keşikçiləri Korpusunun (SEPAH) komandanlığı ilə görüşdə düşmənə gücünü göstərmək üçün böyük silahlı münaqişənin mümkün başlanğıcına hazırlaşmağa çağırıb.
Oxu.Az-ın TASS-a istinadən məlumatına görə, bu barədə qurumun mətbuat xidməti xəbər verib.
Əraqçı bildirib ki, müharibəyə hazır olmaq onun baş verməsinin qarşısını alır.
“Əgər siz onun başlanmasının qarşısını almaq istəyirsinizsə, öz gücünüzü göstərməli və müharibəyə, müdafiəyə hazır olduğunuzu bəyan etməlisiniz. Bu, müharibənin qarşısını alacaq. Əgər siz qarşıdurmaya hazır olmadığınızı göstərərək ən kiçik zəiflik nümayiş etdirsəniz, siz müharibəyə vadar ediləcəksiniz”, – deyə İran XİN rəhbəri əlavə edib.
