Dünya Çempionatının seçmə mərhələsinin 12-ci turu çərçivəsində keçirilən görüşdə Argentina millisi Peru ilə qarşılaşıb.
Oxu.Az xəbər verir ki, meydan sahiblərinin üstünlüyü ilə keçən qarşılaşmada qapılara yalnız bir qol vurulub.
Lautaro Martines 55-ci dəqiqədə Lionel Messinin ötürməsindən sonra hədəfi dəqiq nişan alıb – 1:0.
Xatırladaq ki, bu qarşılaşmada məhsuldar ötürmə ilə yadda qalan Lionel Messi millinin heyətində assistlərinin sayını 58-ə çatdırıb. O bu göstəricidə indiyədək lider olan ABŞ millisinin əfsanəvi oyunçusu Lendon Donovana çatıb.
Qeyd edək ki, 1:0 hesabı ilə qalib gələn Argentina millisi 25 xalla turnir cədvəlinin vahid lideridir. Aktivində yeddi xalı olan Peru isə sonuncu – 10-cu yerdədir.
