Uzun müddətdir xərçəngdən müalicə alan məşhur ABŞ-li aktyor və prodüser Dolf Lundqren sağalıb.
Oxu.Az-ın məlumatına görə, xəbəri aktyor özü sosial şəbəkə hesabında paylaşıb.
Müalicə aldığı Los-Anceles Kaliforniya Universitetindən video paylaşan 67 yaşlı aktyor bildirib ki, bu gün artıq son proseduru keçir.
“Bədənimdə xərçəng hüceyrələri qalmadığı üçün artıq xərçəngə tutulmayacağımı düşünürəm, ona görə də bu son proseduru səbirsizliklə gözləyirəm”, – deyə aktyor qeyd edib.
Qeyd edək ki, Dolf Lundqren xüsusən “Rokki” və “Ələkeçməzlər” filmində oynadığı rollarla məşhurluq qazanıb.
