Yaponiya hüquq-mühafizə orqanları 1 000-dən çox evə qanunsuz daxil olduğunu etiraf edən 37 yaşlı kişini saxlayıb. O, hərəkətlərinin səbəbini streslə mübarizənin qeyri-adi üsulu kimi izah edib.
Oxu.Az-ın kp.ru-ya istinadən verdiyi məlumata görə, bu barədə yerli hüquq-mühafizə orqanlarının nümayəndəsi açıqlama verib.
Məlumata görə, saxlanılan şəxs bunun hobbiyə çevrildiyini vurğulayıb.
“Məni kiminsə aşkar edə biləcəyini düşündüyüm zaman çox həyəcanlanıram. Bu gərginlik streslə başa çıxmağıma kömək edirdi”, – deyə o, dindirilmə zamanı etiraf edib.
