2034-cü ilin futbol üzrə dünya çempionatı ramazan ayına görə oktyabr – noyabrda yox, yanvar ayında keçirilə bilər.
Oxu.Az xəbər verir ki, FIFA gələn həftə keçiriləcək konqresində 2030 və 2034 mundiallarının ev sahiblərini təsdiqləyəcək.
Yeganə namizəd kimi 2034-cü ildə keçiriləcək dünya çempionatının Səudiyyə Ərəbistanında olacağı artıq məlumdur.
2034 mundialı təqvim baxımından Qətər-2022-ni xatırladacaq.
Qeyd edək ki, körfəz ölkələrində yayda 45 dərəcəyə çata bilən həddindən artıq istilər səbəbindən dünya çempionatının qışda keçirilməsi qərarının veriləcəyi gözlənilir. Turnir iki il əvvəl noyabr-dekabr aylarında baş tutsa da, 2034-cü ildə həmin dövr müsəlmanların müqəddəs ramazan ayına təsadüf edəcək. Bu səbəbdən mundialın yanvar ayında təşkil olunacağı istisna edilmir.
