“Real Madrid” klubu Ukrayna millisinin və “Bornmut”un müdafiəçisi İlya Zabarnının transferinə maraqlıdır.
Oxu.Az “euro-footbal”a istinadən xəbər verir ki, “Real Madrid” klubu İlya üçün 60 milyon avro ödəməyi qəbul edib.
“Bornmut” rəsmiləri aparıcı müdafiəçi üçün 60 milyon avro təklif ediləcəyi təqdirdə, onunla yolları ayırmağa hazır olduqlarını bildiriblər.
Qeyd edək ki, İlya Zabarnı bu mövsüm 13 oyun keçirib. “Transfermarkt” ekspertləri onun dəyərini 32 milyon avro olaraq qiymətləndirirlər.
