Rusiya paytaxtı Moskvanın “Trubnaya” stansiyasında 16 yaşlı şəxs sərxoş halda metro qatarının son vaqonundan yapışaraq tunel boyu “səyahət edib”.
Oxu.Az-ın “Readovka” “Telegram” kanalına istinadən xəbərinə görə, bu barədə Rusiya Daxili İşlər Nazirliyinin rəsmi nümayəndəsi İrina Volk məlumat verib.
Məlumata görə, gənc vaqonun arxasında “Svetnoy bulvar” stansiyasına gedib və kameralar bu hərəkəti lentə alıb. Nəticədə gənc saxlanılaraq polis bölməsinə aparılıb.
Hüquq-mühafizə orqanları ona qarşı nəqliyyat təhlükəsizliyinin pozulması və spirtli içki qəbulu maddələri üzrə iş qaldırıb. Gəncin atasına qarşı da valideynlik öhdəliklərini yerinə yetirmədiyinə görə inzibati xəta haqqında protokol tərtib edilib.
Rusiyalı sərxoş gəncin Moskva metrosunda görüntüləri gündəm oldu
![]()
