Məşhur rusiyalı müğənni Stas Pyexa uşaqlıqda bacısı Erika ilə çətin münasibətlərindən danışıb.
Oxu.Az-ın xəbərinə görə, bu barədə “RU.TV” telekanalının verilişlərindən birinin efirində bəhs edilib.
Pyexanın sözlərinə görə, uşaq ikən özbaşına buraxıldığı üçün çox yaramazlıq edib. Hətta öz istəyi ilə uşaq evinə də düşüb, çünki öz evi adətən boş olub: anası və nənəsi çox işləyirmişlər. Onun ögey bacısı isə ata tərəfdən nənə və babası ilə yaşayırmış.
“Bacım Kupçinoda başqa nənə və babası ilə yaşayırdı. Bacımla bayramlarda nadir hallarda rastlaşırdıq. Bizim onunla 14 yaşına qədər elə də çox əlaqəmiz olmayıb. Aramızda kiçik bir ayrılıq var idi. Fərqli metakainatlarda mövcud idik. O, əlaçı şagird, pianoçu, perfeksionist idi. Mən isə “2” alan şagird və yaramaz uşaq idim və hansısa məqamda bu pis nəticələndi, amma sonradan çətinliklərdən və keşməkeşlərdən keçərək özümü ələ aldım, başqa şəhərə köçürüldüm və yenidən həyata başladım”, – deyə o bildirib.
Stas Pyexa qeyd edib ki, artıq yetkin yaşda olanda bacısı ilə münasibətlərini qaydasına salmağı bacarıb, hətta birlikdə işləməyə başlayıblar. Bacısının qohumlarının narkoloji klinikası var, həmçinin bacısı ona konsertlər üçün instalyasiya işlərində kömək edir.
