Yuxarı Avstriyanın Vöklabruk şəhərində bərpa işləri zamanı uşağın qismən mumiyalanmış cəsədi tapılıb.
Oxu.Az xəbər verir ki, bu barədə “Heute” yazır.
Polisin mətbuat xidməti məktəbdə təmizlik işləri zamanı insan skeletinin aşkar edildiyini bildirib. Müayinədən sonra skeletin uşağa aid olduğu müəyyənləşib.
İstintaqı prokurorluqla sıx əməkdaşlıq edən Dövlət Kriminal Polis İdarəsi öz üzərinə götürüb.
İlkin məlumatlara görə, cəsəd üzərində zorakı ölüm əlamətləri yoxdur.
