Türkiyə Superliqası: “Qalatasaray” “Sivasspor”u məğlub etdi

Türkiyə Superliqasının 15-ci həftəsində “Qalatasaray” səfərdə “Sivasspor”la qarşılaşıb.

Oxu.Az xəbər verir ki, “sarı-qırmızılılar” 16-cı dəqiqədə Metehan Baltacının qırmızı vərəqə almasından sonra 10 nəfərlə qalsalar da, meydanı 3:2 hesablı qələbə ilə tərk etməyi bacarıblar.

Qarşılaşmanın 25-ci dəqiqəsində Qarri Rodrigesin qolu ilə “Sivasspor” 1:0 önə keçib. Lakin 36-cı dəqiqədə “Sivasspor”un qapıçısı Nikoliçin səhvindən istifadə edən “Qalatasaray” Yunus Akgünün vurduğu qolla hesabı bərabərləşdirib. İlk hissənin əlavə dəqiqələrində penaltini qola çevirən Viktor Osimhen “Qalatasaray”ı 2-1 önə keçirib.

Qalatasaray” ikinci hissədə Barış Alper Yılmazın qolu ilə fərqi 2-yə yüksəldib. “Sivasspor” 90+1-ci dəqiqədə hesab fərqini azaltsa da, bu, oyunda son qol olub.

“Qalatasaray” bu qələbə ilə xalını 38-ə yüksəldib və liderliyini davam etdirib. “Sivasspor” isə 18 xalla 10-cu pillədə qərarlaşıb.



Mənbə

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More