İki çəki dərəcəsində keçmiş UFC çempionu olan irlandiyalı döyüşçü Konor Makqreqor bloqer Loqan Polun döyüş təklifini qəbul edib.
Oxu.Az xəbər verir ki, Konor Makqreqor bu barədə şəxsi “X” sosial şəbəkə hesabında paylaşım edib.
“Topuria ilə döyüşün olacağı barədə yayılan xəbərlər əsassızdır. Hindistanda boks şousunda Loqan Polla döyüşmək üçün ilkin müqaviləm var. Mən təklifi qəbul etdim. Daha sonra qəfəsə qayıtmağa çalışacağam”, – deyə K.Makqreqor bildirib.
Qeyd edək ki, Loqan Pol bir müddət öncə boks əfsanəsi Mayk Taysonla rinqə çıxan Ceyk Polun qardaşıdır. Taysonla döyüşdə Ceyk Pol 79:73 hesabı ilə qələbə qazanmışdı.
