Böyük Britaniya kralı III Çarlz avtoidmana verdiyi töhfəyə görə Avstriyanın “Red Bull” “Formula-1” komandasının rəhbəri Kristian Horneri Britaniya İmperiyasının III dərəcəli ordeni ilə təltif edib.
Oxu.Az xəbər verir ki, bu barədə championat.com məlumat yayıb.
“Formula 1” komandasının rəhbəri ordenlə yanaşı Britaniya İmperiyasının Komandoru tituluna da layiq görülüb.
“Bukingem sarayında orden və fəxri ad almağım məni dərindən təsirləndirdi. “Red Bull”da keçirdiyimiz 20 ildən artıq müddətdə biz misilsiz uğur qazanmışıq: səkkiz çempionluq, altı Mühəndislər Kuboku, 122 Qran-pri qələbəsi və s. Ailəmin sevgisi və dəstəyi, Milton Kins zavodunda işləməyə davam edən hər kəsin inanılmaz əməyi olmadan bu mükafat mümkün olmazdı. Təşəkkür edirəm”, – Horner sosial şəbəkədəki səhifəsində yazıb.
