Beynəlxalq Futbol Federasiyaları Assosiasiyası (FIFA) milli komandaların reytinq cədvəlini açıqlayıb, Azərbaycan millisi mövqeyini qoruyub.
Oxu.Az xəbər verir ki, hesabat dövründə heç bir matç keçirməyən yığmamızın mövqeyi dəyişməyib. Fernandu Santuşun komandası ilin son dərc olunmuş siyahısında dünyanın 117-cisidir. Komandamızın hesabında 1 158.70 xal var.
Siyahıya 1 867.25 xalla Argentina millisi başçılıq edir. Millimizin dünya çempionatının seçmə mərhələsindəki potensial rəqibi Fransa isə 1 859.78 xalla liderdən geri qalır.
Seçmə komandamızın digər potensial rəqibi Xorvatiya isə 1 691.59 xalla 13-cü pillədə qərarlaşıb.
Qeyd edək ki, Ukrayna 1 554.94 xalla 25-ci, İslandiya 1 355.10 xalla 70-ci yerdə qərarlaşıb.
