Bu gün Avropanın yaşıl meydanları maraqlı futbol tamaşasına ev sahibliyi edəcək.
Oxu.Az xəbər verir ki, Almaniya Bundesliqasının XV turunun açılış matçında “Bavariya” doğma meydanda “Leypziq”i qəbul edəcək. Görüş Bakı vaxtı ilə saat 23:30-da start götürəcək.
İtaliya A seriyasında isə XVII tura start veriləcək. İlk oyun günündə “Milan” “Verona”nı sınağa çəkəcək. Qarşılaşmanın start fiti Bakı vaxtı ilə saat 23:45-də səsləndiriləcək.
Həmçinin Türkiyə Superliqasında da XVII tur bu gün keçiriləcək bir görüşlə start götürəcək. “Qalatasaray”la görüşdə əzmkarlıq nümayiş etdirən “Eyüpspor” doğma meydanda “Fənərbağça”nı qəbul edəcək. Görüş Bakı vaxtı ilə saat 21:00-da keçiriləcək.
