2024-2025 mövsümündə Azərbaycan Kubokunun final matçının keçiriləcəyi stadion müəyyənləşib.
Bununla bağlı Oxu.Az-a açıqlamasında Peşəkar Futbol Liqasının prezidenti Elxan Səmədov danışıb.
“Hər hansı fors-major hal yaşanmasa, Azərbaycan kubokunun finalı Mehdi Hüseynzadə adına Sumqayıt şəhər stadionunda keçiriləcək”, – deyə E.Səmədov bildirib.
Qeyd edək ki, ötən mövsümün final görüşü də Mehdi Hüseynzadə adına Sumqayıt şəhər stadionunda keçirilmişdi.
Anar Həsənov
