Yanvarın 17-də Moskvada Rusiya və İran arasında Hərtərəfli Strateji Tərəfdaşlıq Sazişi imzalanacaq.
Oxu.Az TASS-a istinadən xəbər verir ki, bu barədə İranın Rusiyadakı səfirliyi məlumat verib.
“İran və Rusiyanın Hərtərəfli Əməkdaşlıq Müqaviləsi imzalamağa hazır olmasından danışan Kazım Cəlali İranın Prezidenti Məsud Pezeşkianın yanvarın 17-də Moskvaya səfəri barədə məlumat verib və bildirib ki, iki ölkə arasında əməkdaşlıq sazişi Pezeşkian və Putin tərəfindən imzalanacaq”, – İranın Moskvadakı səfirliyinin bəyanatında bildirilir.
