Britaniyalı aktrisa, “Romeo və Cülyetta” (1968) filmində “Cülyetta” obrazını canlandıran Oliviya Hassi 74 yaşında vəfat edib.
Oxu.Az xəbər verir ki, bu barədə onun ailəsi “Instagram”da məlumat yayıb.
“Dekabrın 27-də öz evində, yaxınlarının əhatəsində dinc şəkildə dünyasını dəyişən Oliviya Hassinin vəfatını dərin hüznlə bildiririk”, – deyə məlumatda bildirilib.
Qeyd edək ki, karyerası ərzində Oliviya Hassi “Nazaretli İsa” (1977), “Nildə Ölüm” (1978) , “Tereza Ana” (2003) daxil olmaqla 50-dən çox film və serialda rol alıb. 1969-cu ildə “Romeo və Cülyetta” filmindəki baş roluna görə “Qızıl Qlobus” mükafatını qazanıb.
