İngiltərə Premyer Liqasının 2024/2025 mövsümünün 18-ci turunun “Arsenal” və “İpsviç Taun” komandalarının qarşılaşdığı matç başa çatıb.
Oxu.Az xəbər verir ki, komandalar Londondakı “Emirates” stadionunda görüşüblər. Oyun 1:0 hesabı ilə meydan sahiblərinin xeyrinə başa çatıb.
Matçın yeganə qolunu 18-ci dəqiqədə “Arsenal”ın hücumçusu Kay Havertz vurub.
18 oyundan sonra “Arsenal” 36 xal toplayaraq Premyer Liqanın turnir cədvəlində ikinci yerdədir. “İpsviç Taun” eyni sayda oyundan sonra 12 xalla sondan əvvəlki, 19-cu yerdə qərarlaşıb.
Turnir cədvəlinə 42 xalla “Liverpul” başçılıq edir.
