Rusiyanın Altay diyarının Biysk şəhərində magistral yolda yük və minik avtomobillərinin iştirakı ilə böyük zəncirvari qəza baş verib.
Oxu.Az-ın Rusiya KİV-ə istinadən xəbərinə görə, bu barədə ölkənin Fövqəladə Hallar Nazirliyinin (FHN) Altay diyarı üzrə Baş İdarəsindən məlumat verilib.
Məlumata görə, qəzada 29 avtomobil toqquşub.
Hadisə yerində qəzanın nəticələrinin aradan qaldırılması ilə bağlı işlər aparılır.
Hazırda hadisənin baş verdiyi Zarya qəsəbəsi yaxınlığındakı yolda ciddi tıxac yaranıb və əks istiqamətdə hərəkət təşkil olunub.
İlkin məlumata görə, qəzada xəsarət alan yoxdur.
