Aktauda Azərbaycan Hava Yollarına məxsus “Embraer 190” təyyarəsinin qəzaya uğraması nəticəsində yaralanan Qırğızıstan vətəndaşları Bişkekə yola salınıblar.
Oxu.Az xəbər verir ki, bu barədə Qırğızıstan Fövqəladə Hallar Nazirliyi məlumat yayıb.
Məlumatda qeyd olunur ki, Qazaxıstanın Aktau şəhərində baş vermiş qəzada xəsarət alan üç Qırğızıstan vətəndaşının olduğu təyyarə dekabrın 30-na keçən gecə Bişkəkdəki Manas Beynəlxalq Aeroportuna enib.
Bildirilib ki, sözügedən şəxslər hava limanından təcili tibbi yardım maşınları ilə Milli Xəstəxanaya aparılıblar.
