Rusiyanın Çelyabinsk şəhərində Şaxta baba yaylım atəşinin müşayiəti ilə yolka üzərində “gəzintiyə” çıxıb.
Bu barədə Oxu.Az Rusiya KİV-ə istinadən xəbər verir.
Məlumata görə, ötən gecə bahalı avtomobil həvəskarları yolkanı çəhrayı “Audi” markalı maşına bağlayıb, üstünə Şaxta babanı oturdub, atəşfəşanlıq altında yüksək sürətlə küçədə hərəkət ediblər.
Çelyabinsk Dövlət Yol Müfəttişliyindən bildirilib ki, hazırda avtomobilin sürücüsü və hadisənin bütün iştirakçıları müəyyənləşdirilir.
“Onlar Dövlət Yol Müfəttişliyinə çağırılacaqlar və qanunvericiliyə uyğun olaraq, barələrində inzibati cavab tədbirləri görüləcək”, – deyə qurumdan qeyd edilib.
