Dünyanın ən məşhur yutuberi “MrBeast” (əsl adı Cimmi Donaldson) sevgilisi, bloqer Tea Boysenlə nişanlanıb.
Oxu.Az xəbər verir ki, o, bu barədə “Instagram”da yazıb.
Gənc ailəsi ilə Milad bayramını qeyd edərkən bloqerə evlilik təklifi edib. “MrBeast” diz üstə çökərək Teaya brilyant üzük hədiyyə edərkən çəkilmiş şəklini yayımlayıb.
Cütlük bir-birinə uyğun Milad sviterləri geyinib.
Donaldsonun sözlərinə görə, Boysen ailəsi Milad bayramını qeyd etmək üçün Cənubi Afrikadan gəlib, lakin bu nişan bütün qohumlar üçün sürpriz olub.
Qeyd edək ki, “MrBeast” və Tea Booysen təxminən iki ildir ki, görüşürlər.
