“Qazaxıstan yaxın gələcəkdə ikinci və üçüncü AES-in inşasına başlaya bilər”.
Oxu.Az-ın verdiyi məlumata görə, bu barədə ölkə prezidenti Kasım-Jomart Tokayev “Ana tili” (“Ana dili”) qəzetinə müsahibəsində bildirib.
O, Qazaxıstana böyük, güclü atom stansiyasının lazım olduğuna əminliyini bildirib.
“Üstəlik, yaxın gələcəkdə ikinci və bəlkə də üçüncü AES-in tikintisini başlayacağımızı istisna etmirəm. Nüvə sənayesi artıq enerji çatışmazlığı yaşayan iqtisadiyyatımızın inkişafına güclü təkan verəcək. Hesab edirəm ki, Qazaxıstan inkişaf etmiş nüvə energetikasına malik ölkəyə çevrilməlidir. Onun böyük gələcəyi var”, – deyə Qazaxıstan lideri bildirib.
