Türkiyənin Bursa şəhərində Təbiəti Mühafizə və Milli Parklar 2-ci Regional İdarəsi tərəfindən Uludağ Milli Parkında qurulan fotokamera tələsi vasitəsilə canavar sürüsü görüntülənib.
Bu barədə Oxu.Az DHA-ya istinadən xəbər verir.
Məlumata görə, brakonyerliyə qarşı mübarizə və yemləmə fəaliyyətlərinə nəzarət etmək məqsədilə canlıların sıx olduğu ərazilərdə fotokamera tələləri quraşdırılıb.
Uludağ Milli Parkındakı kameraya 5 canavardan ibarət olan sürü yemək axtararkən əks olunub.
“Canavarlar Uludağ Milli Parkının zadəgan qonaqlarıdır. Baxışlarındakı nəciblik, duruşlarındakı əzəmət sayəsində onlara heyran qalmamaq mümkün deyil”, – deyə idarənin sosial media hesabındakı paylaşımında bildirilib.
Türkiyədən maraqlı kadrlar: Canavar sürüsü göründü
![]()
