Azər Baxşəliyevin xanımının paylaşımı suallar doğurdu: Aktyor sağdır?

Aktyor Azər Baxşəliyevin xanımı Nigar Baxşəliyeva sosial media hesabında paylaşım edib.

Oxu.Az-ın məlumatına görə, o, A.Baxşəliyevə yazdığı “Oyanıb mənə yazacaqsan. Darıxıram, Azik. Çox” mesajını paylaşıb. Lakin N.Baxşəliyeva fotoya “Oyanmadın” şərhini yazıb.

Oxu.Az aktyorun son durumu barədə məlumat almaq üçün Azərbaycan Tibb Universiteti ilə əlaqə saxlayıb.

ATU-nun Mətbuat Xidmətinin rəhbəri Günel Aslanova Oxu.Az-a açıqlamasında deyib ki, hazırda Azər bəyin vəziyyətində bir dəyişiklik yoxdur:

“Azər bəy ölməyib, sağdır. Vəziyyəti ağır olaraq qalmaqda davam edir. Süni tənəffüs aparatına qoşuludur”.

Xatırladaq ki, yanvarın 2-si böyrək çatışmazlığından əziyyət çəkən Azər Baxşəliyev koma vəziyyətində xəstəxanaya çatdırılıb. Axşam saatlarında öldüyü deyilən aktyorun ürək fəaliyyəti həkimlər tərəfindən bərpa edilib.

Aygün Mirakif



Mənbə

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More