Goranboy Rayon Polis Şöbəsinə rayonun Aşağı Ağcakənd qəsəbəsi və Ağcakənd kəndi ərazisində silah-sursat olması barədə məlumat daxil olub.
Bu barədə Oxu.Az-a Daxili İşlər Nazirliyinin (DİN) Mətbuat Xidmətindən məlumat verilib.
“Polis əməkdaşları həmin ünvanlara gələrək müvafiq tədbirlər həyata keçirib və ümumilikdə ədəd 2 ədəd “Kalaşnikov” markalı avtomat, 3 ədəd avtomat darağı, 60 ədəd 7.62 kalibirli patron və 100 ədəd RPK patronu aşkar edərək götürüblər.
Aşkar edilən silahlar müvafiq ekspertizaya təqdim olunub, faktla bağlı araşdırmalar davam etdirilir”, – deyə qurumdan bildirilib.
Comments are closed.