İspaniyanın “Real Madrid” klubunun futbolçusu Vinisius Junior 4-12 oyun arası diskvalifikasiya oluna bilər.
Oxu.Az “Mundo Deportivo”ya istinadən xəbər verir ki, “Kral klubu”nun vingeri ötən gün La Liqanın XVII turundan təxirə salınan matçda “Valensiya”nın qapıçısı Stol Dimitrievskini itələyərək yıxıb.
Bu hərəkətinə görə birbaşa qırmızı vərəqə ilə meydandan qovulan 24 yaşlı oyunçunun cəzası yaxın günlərdə dəqiqləşəcək.
Qeyd edək ki, qarşılaşma 2:1 hesabı ilə “Real Madrid”in xeyrinə başa çatıb.
