Almaniyanın Rimbax şəhərində banka basqın edən şəxs saxlanılıb. Girov azad edilib, polis əməliyyatı başa çatıb.
Oxu.Az-ın məlumatına görə, bu barədə hüquq-mühafizə orqanları jurnalistlərə məlumat verib.
Hazırda cinayətkar dindirmə üçün polis bölməsinə aparılıb.
Girovla həkimlər və psixoloqlar məşğul olur.
Almaniyada silahlı şəxs banka daxil olaraq, bir qadını girov götürüb.
Oxu.Az-ın verdiyi məlumata görə, bu barədə yerli polis “X”də görüntülər yayıb.
Bildirilir ki, hadisə Hessen federal əyalətində “Volksbank” filialında qeydə alınıb.
Hazırda hüquq-mühafizə orqanlarının əməkdaşları hadisə yerindədirlər. Kişinin tələbləri hələ məlum deyil.
