İngiltərə təmsilçisi “Mançester Siti”nin ulduz futbolçusu Kevin De Bruyne ABŞ klubuna keçməyə yaxındır.
Oxu.Az “The Athletic”ə istinadən xəbər verir ki, belçikalı yarımmüdafiəçi “San Dieqo” ilə danışıqlar aparır.
Misirəsilli britaniyalı iş adamı Mohamed Mansura məxsus olan komandanın bu il MLS-də debüt etməsi gözlənilir.
Qeyd edək ki, Kevin De Bruynenin “Mançester Siti” ilə müqaviləsinin müddəti 2026-cı ildə başa çatacaq. O, cari mövsüm “şəhərlilər”in heyətində 18 oyunda iki qol vurub.
