Türkiyə Kubokunda qrup mərhələsinin ilk turu başa çatıb.
Oxu.Az xəbər verir ki, B qrupunda çıxış edən “Fənərbağça” “Kasımpaşa”nın qonağı olub.
Meydan sahibləri titullu rəqibə qarşı heç nə ilə yadda qalmayıb, əvəzində qapılarından üç cavabsız top buraxaraq məğlub olublar – 0:3. Maraqlıdır ki, “sari-lacivərdlər” hər üç topu ilk hissədə vuraraq matçın taleyini həll ediblər.
Qeyd edək ki, “Fənər”lə yanaşı B qrupunda “Qaziantep”, “Göztepe”, “Erzurum” və “İstanbulspor” yer alır.
